Siglir tar il cuntegn

Header

L'um talian (25) vuleva viagiar cun documents sfalsifitgads en l'Italia.
Legenda: L'um talian (25) vuleva viagiar cun documents sfalsifitgads en l'Italia. Keystone
cuntegn

Valladas talianas Guardia da cunfin tschiffa cugliunader da schec

A Campocologno sin il cunfin tranter il Grischun e l'Italia ha la guardia da cunfin grischuna tschiffà in cugliunader da schec.

En l'auto da l'um hajan ins plinavant chattà in schec da banca sfalsifitgà da passa 26’000 euros, communitgescha la guardia da cunfin.

Examinaziuns hajan mussà ch'el era gia prechastià en l'Italia pervia da cugliunaria, falsificaziun da certificats, enguladitschs e blessura corporala. Pir l'entschatta d’october era il delinquent vegnì relaschà ord praschun. Ad el vegn danovamain rinfatschà cugliunaria dad in mez milliun euros.

L'um ha concedì da vulair cumprar bischutaria cun ils daners ed è vegnì surdà a las autoritads talianas.

RR novitads 15:00

Dapli da Grischunavrir la Landingpage

Nach links scrollen Nach rechts scrollen