Siglir tar il cuntegn

Header

La statua «L'um che mussa» d'Alberto Giacometti.
Legenda: La statua da bronz è vegnì ingiantà en ina summa da record. Keystone
cuntegn

Valladas talianas Hype enturn Alberto Giacometti - dentant betg en Bregaglia

Marco Giacometti, il president da la fundaziun Centro Giacometti, sa legra da l'attenziun mundiala enturn l'artist Alberto Giacometti.

En la Bregaglia na veglian els dentant betg siglir sin quest hype actual, mabain mussar a lunga vista l'ovra da l'artist, ha el declerà al schurnal regiunal da radio SRF.

Chapir l’entira ovra

Il relasch dad Alberto Giacometti saja fitg vast ed ils Bregagliots sajan pir en la fasa da chapir l'entira ovra e la persunalitad davostiers. Uschia declera Marco Giacometti il fatg che la Bregaglia n'ha enfin ussa betg undrà dapli ses artist renumà e n'ha era betg fatg dapli reclama cun Alberto Giacometti.

In’app davart l’ovra

L'onn 2016 vul la fundaziun Centro Giacometti preschentar in'applicaziun per telefonins davart l'ovra dad Alberto Giacometti e sin l'onn 2020 duai era il center sez esser pront.

La raschun per il hype actual enturn l'artist è stà l'aucziun a New York, nua che la sculptura «L’um che mussa» è vegnida ingiantads per passa 140 milliuns dollars - in record.

RR Actualitad da mezdi, 11:00

Artitgels legids il pli savens

Scrollar a sanestra Scrollar a dretga