Il guaud da protecziun en il Mesauc vegn replantà

La regenza grischuna ha approvà il project per replantar il guaud da protecziun da la vischnanca da Mesauc. Ella garantescha ina contribuziun maximala da 2,4 milliuns francs.

Il guaud da protecziun sur la vischnanca da Mesauc. Bild in Lightbox öffnen.

Legenda da maletgs: Il guaud da protecziun sur la vischnanca da Mesauc. mad

Ils 27 da december 2016 aveva il guaud sur las vischnancas da Mesauc e Soazza cumenzà a brischar. Ils donns dal incendi èn stads fitg gronds e passa 70% dals bostgs eran brischads, scriva la Chanzlia chantunala. Ultra da quai ha il bau scorsa attatgà blers dals bostgs brischads. Sco mesiras urgentas èn perquai suenter l’incendi vegnids pinads e transportads davent ina gronda part dals pigns pirids per impedir ch’il bau-scorsa sa derasia era sin las ulteriuras parts dal guaud. Tras ils donns considerabels tras l’incendi n’è la funcziun da protecziun betg pli garantida uschia che quai basegna replantaziuns voluminusas, scriva la Chanzlia chantunala.

RR novitads 09:00