Siglir tar il cuntegn
cuntegn

Valladas talianas Il record da chalira 2003 a Grono

Bruna Penta e Pio Parolini, els sa regordan anc fitg bain da las chaliras il 2003. Dentant che Bruna Penta avess gugent anc pli chaud, è Pio Parolini quel che ha pli gugent il fraid.

Pio Parolini l'um pensiunà ed anteriur lavurant da la vischnanca da Grono discurra d'ina stad narra il 2003. Las notgs betg pli fraid che 25 grads, ed ils dis adina enturn ils 35 grads e passa. Ils 11 d'avust ha il termometer perfin mussà la marca da record da 41.5 grads. Ina marca che vala anc adina.

Ed er a Bruna Penta resta la stad 2003 en buna memoria. Ella era en speranza da la figlia ch'è naschida il december. Dentant che Parolini ha pli gugent il fraid, ha l'assistenta farmaceutica gugent il chaud. La clientella dentant patescha – en spezial la glieud veglia. Uschia vala la devisa: baiver bler ed evitar da bandunar la chasa las uras da mezdi.

RR actualitad 17:00