Siglir tar il cuntegn
Inhalt

Valladas talianas Installaziun d’art sin il mir da serra Albigna

1'300 meters quadrat vegn quest’intervenziun ad esser. Damai in maletg da 130 sin 10 meters sin ina taila che vegn montada vi dal mir da serra. In’acziun sin 2161 meters sur mar. Quai è il project RockArt 2016 da Maya Lalive. Uschia statti scrit en ina communicaziun a las medias.

Albigna
Legenda: L'ovra d'art da Maya Lalive vegn a pender vi dal mir da serra Albigna RTR/ V.Rominger
Maya Lalive
Legenda: L'artista Maya Lalive mad

Maya Lalive è in’artista ed alpinista che viva e lavura en la Val Bregaglia, a Turitg ed a Linthal.

Ses proxim project vegn betg a restar per adina - el è be da vesair tranter ils 5 e 29 avust. In maletg che penda vi dal mir da serra Albigna en Val Bregaglia. Sin 1300 meters quadrat duai el mussar quai che caracterisescha la Bregaglia: spelm, aua, aria e tut.

Lavur da montascha difficila

Sche l’aura constat, lura vegn l’ovra d’art montada ils 5 d’avust cun agid da helicopter e lavurants che pendan en sugas. El vegn a pender sur la surfatscha dal mir.
Suenter l'exposiziun vi dal mir da serra vegn l'ovra transfurmada en bleras parts, mintgina per sai furma in nov maletg. Tut la lavur vegn accumpagnada cun film e fotografias.

Dimensiun da l'ovra

  • 1'300 meters quadrat taila
  • in pais da 750 kilos
  • 130 meters aut
  • 10 meters lartg