Siglir tar il cuntegn
Inhalt

Valladas talianas L'ospital da la Bregaglia dovra in nov directur

La cumissiun d'administraziun dal Centro Sanitario ed il directur actual Alain Vetterli èn sa cunvegnids da sa separar per immediat.

il Centro Sanitario Bregaglia
Legenda: Il Centro Sanitario Bregaglia Suenter trais onns sut il directur Alain Vetterli dovra l'ospital uss in nov manader u ina nova manadra. MAD / csbregaglia.ch

Quai scriva il center da sanadad en ina communicaziun. Alain Vetterli era dapi il settember 2015 directur da l'ospital.

Ins saja sa separads pervi da differenzas areguard l'orientaziun e co che l'ospital duaja vegnir manà en l'avegnir.

Reponderar l'organisaziun

Dasper il post dal directur è era il post dal responsabel ni la responsabla per la tgira vacant dapi questa stad ed il schefmedi avess cuntanschì gia l'onn passà la vegliadetgna da pensiun. Quests trais posts furman la direcziun dal center da sanadad.

Perquai nizzegia il Centro Sanitario ils proxims mais per reponderar l'organisaziun e tut tenor adattar l'organigram.

Durant la fasa transitorica vegn persunal d'ina firma spezialisada a manar il center da sanadad en Bregaglia, scriva la cumissiun d'administraziun enavant.

RR novitads 06:00