Siglir tar il cuntegn

Header

video
Il Grischun fa furora sco culissa da films
Or da sil punct dals 08.08.2018.
laschar ir. Durada: 2 minutas 21 Secundas.
cuntegn

Valladas talianas La Bregaglia en il mund da film

Dapi circa diesch dis è Soglio in set da film – las giassas stretgas èn emplenidas cun acturas ed acturs, statists e cameras. Registrà vegn ina part dal film da kino «Als Hitler das rosa Kaninchen stahl». Suenter ils dus films da kino «Heidi» ed «Uorsin da la stgella» vegn puspè filmà en Grischun.

Soglio, il vitg idillic en Bregaglia, è per il mument transmidà en in set da film. Registrada vegn ina part dal nov film da kino cun il titel «Als Hitler das rosa Kaninchen stahl».

Il film raquinta l’istorgia da la matta Anna da 9 onns, che sto fugir l’onn 1933 da Berlin a Turitg, e suenter a Paris e Londra. Fugir da sia patria, fugir da ses dachasa, fugir senza ses cunigl rosa amà. In film da famiglia che raquinta en maniera empatica davart famiglia, speranza e solidaritad.

audio
Bunura: Filmada en Engiadina e Bregaglia
ord Actualitad dals 09.08.2018.
laschar ir. Durada: 2 minutas 36 Secundas.

La producziun dal film saja dubel uschè gronda sco quella dal «Uorsin da la stgella», hai num. Il film è ina producziun tudestga-svizra, e vegn tranter auter sustegnida da la SRG SSR e dal chantun Grischun.

En ils kinos duai «Als Hitler das rosa Kaninchen stahl» vegnir la fin da l'onn che vegn.

sil punct 17:45

Artitgels legids il pli savens