Valladas talianas - Laschà enavos ina ferida en il cor
La crudada da crappa dal Piz Cengalo en Val Bondasca dals 23-8-2017 ha scrit istorgia en mintga diari bregagliot. D'in mument a l'auter eran dumandadas persunas dal fatg ch'eran permanent en servetsch. Ina da quellas persunas è stà il schef da salvament da la secziun Bregaglia, Marcello Negrini.
Marcello Negrini, ha vis la pulvra grischa en l'aria ed ils cloms sin ses telefonin – là ha el realisà, ch'il Cengalo en Val Bondasca è en moviment. A partir da quest mument è el stà engaschà cumplettamain per il salvament, per l'evacuaziun e per la tschertga da las persunas sparidas. Dapi circa 30 onns è el involvì en il salvament alpin ed el ha ina grond'experienza. Perquai è el era il schef dal salvament da la secziun Bregaglia.
La crudada da crappa n'è betg mo ina ferida en la muntogna – ella ha era ferì ils cors da nus Bregagliots.
In lieu dal qual ins ha ina buna vista en Val Bondasca e sin il Piz Cengalo è Cugian. Là sa mussan las dimensiuns da la crudada da crappa, la bova, fin 35 meters autezza – chamonas destruidas. A Cugian realisesch'ins che questa val vegn dominada anc per in lung temp da l'eveniment dals 23-8-2017
1 / 6
Legenda:
Impressiun actuala – la Val Bondasca cun il Piz Cengalo.
RTR, Ulrica Morell
2 / 6
Legenda:
Truppa da salvament en Val Bondasca in di suenter la bova.
MAD, Marcello Negrini
3 / 6
Legenda:
La bova en Val Bondasca è fin 35 meters auta.
MAD, Marcello Negrini
4 / 6
Legenda:
Tar la chamona Sciora è installà in dals radars che survegliescha il Piz Cengalo
MAD, Marcello Negrini
5 / 6
Legenda:
Vista actuala giu dal Piz Cengalo.
MAD, Marcello Negrini
6 / 6
Legenda:
11.7.2018
In onn suenter han la Polizia e persunas dal fatg, fatg in'ultima tschertga da las persunas sparidas.
MAD, Marcello Negrini
