Il project da sanaziun da la nova staziun a Poschiavo è suenter trais onns lavur a fin. En tut 250 persunas han lavurà durant quels onns sin il plazzal da la staziun.
Vegnì realisà è in nov vial dubel tranter Poschiavo e la Val Veruna ed in indriz da binaris morts cun ina cruschada. Plinavant èn ils perruns vegnì adattads per ils clients cun impediments.
Tut en tut ha la nova staziun custà 36 milliuns francs a la Viafier Retica. Per realisar las lavurs èn era firmas indigenas vegnidas resguardadas.
Per la Valposchiavo signifitga la investiziun en la nova staziun in segnal positiv. La Viafier retica veglia promover uschia il turissem en l'entir Puschlav. Perquai sajan era gia las proximas staziuns en mira per vegnir renovadas.
RR actualitad 17:20