Siglir tar il cuntegn

Header

Paolo Bernasconi.
Legenda: Paolo Bernasconi. Expert da mafia. Keystone
cuntegn

Mafia en il Grischun Da l'Italia sur il Tessin tar nus

Tschients mafiosis èn activs en il Grischun. Quai di l'expert da la Mafia Paolo Bernasconi en la gasetta Südostschweiz.

Cun da questas societads vegnia il Mesauc gia inundà daditg. La vallada dal Grischun dal sid haja mo enturn 8000 abitants, dentant radund 1600 firmas.

Betg ignorar

Sch'ins dat in sguard en il vitg Grono vesan ins 500 firmas registradas, quai sin be 1000 abitants. Era sche societads fictivas cun ina chascha da brevs n'èn betg illegalas dat quai da pensar. Tenor Paolo Bernasconi servian talas firmas savens al lavar daners. Cifras exactas n'ha el betg, il dumber zuppà da commembers da la mafia saja en il Tessin ed en il Grischun dentant tar tschients persunas.

I dettia singulas firmas cun motivs illegals, quels examineschia la polizia. Il grond dumber restant da societads fictivas saja nungiavischà, ma ins na possia betg impedir quellas.

Ord l'archiv:

Il grond dumber da firmas fictivas en il Mesauc ha gia chaschunà l'atun dal 2017 per lingias grassas. Er en il Cussegl grond è la situaziun en la vallada dal sid stada in tema brisant.

RR novitads 06:00