Valladas talianas - Malögia dovra glieud giuvna e famiglias - Novitads

Valladas talianas Malögia dovra glieud giuvna e famiglias

Creista sa numna il segund dals 2 projects. Suenter Mota Farun ch'era vegnì realisà avant 2 onns duai uss era Creista vegnir realisà. En planisaziun è quest project gia dapi che 10 onns. Quella giada anc aveva la vischnanca da Stampa fatg in plan da quartier per 9 chasas ed ina garascha sutterrana.

Ils 14 da zercladur è l'emprima badegliada per il project. La vischnanca dat en dretg da construcziun il terren. Quai per bunas cundiziuns di la presidenta communala Anna Giacometti. Finamira stoppia esser d'attrair dapli famiglias giuvnas.

Il project vegn forsa 10, 20 onns memia tard, dentant - nus essan pronts sch'ils temps sa midan puspè.

Autur: Anna Giacometti Presidenta communala Val Bregaglia

audio

Bunura: Dovra quai 9 chasas novas per indigens a Malögia?

ord Actualitad dals 03.06.2016.

laschar ir. Durada: 2 minutas 42 Secundas.

Cundiziun per realisar il project era, che la vischnanca realisescha ina garascha sutterrana. Quai pervi da la distanza al lai da Segl. Il credit da 1,7 milliuns francs per questa garascha aveva la radunanza approvà l'onn 2014.

Uss che 3 famiglias han suttascrit il contract cun la vischnanca per il dretg da construcziun, ha la vischnanca decidì da cumenzar cun la realisaziun dal project Creista.

Gut d'amarezza

I sa tracta da famiglias che stattan gia a Malögia, quai è il dagut d'amarezza vid l'entira chaussa. Finamira duess en emprima lingia esser, d'attrair nova glieud, giuvens e famiglias a Malögia. Quai per pudair mantegnair la qualitad da viver a Malögia.