Valladas talianas - Medias talianas duajan vegnir sustegnidas dal chantun
Suenter ils Rumantschs lessan ussa era ils Grischuns talians sustegn dal chantun per lur medias. Il deputà da San Vittore Manuel Atanes ha inoltrà ina dumonda, ha el confermà a Radiotelevisiun Svizra Rumantscha.
Saira: Dumonda da daners per las medias grischunas talianas
01:55 min, ord Actualitad dals 13.06.2017.
laschar ir. Durada: 1 minuta 55 Secundas.
El vul savair tge pussaivladads che la regenza vesa per sustegnair finanzialmain las medias dal Grischun talian. La gasetta “La Voce del San Bernardino” saja periclitada sch’ins na chattia betg ina schliaziun aifer in onn ed era las gasettas online «ilmoesano» e «labregaglia» sajan en privel – argumentescha il deputà socialdemocratic.