La polizia chantunala grischuna ha sclerì en il Mesauc 11 enguladitschs cun rumper en ed in'emprova da rumper en. Ils delicts èn vegnids commess durant il mais da fanadur en differents lieus.
Il delinquent supponì, in Albanais da 40 onns che viva en l'Italia, è vegnì arrestà da curt en il Vallais.
La summa da delict munta ad enturn 13’000 francs ed il donn material ad enturn 6000 francs. Actualmain vegn intercurì schebain el è era responsabel per delicts en auters chantuns.
