Siglir tar il cuntegn

Header

cuntegn

Valladas talianas Mesocco a favur dal Parc Adula

La creaziun dal Parc Adula survegn sustegn da la vischnanca da Mesocco. Il cussegl communal è s’exprimì cun gronda maioritad a favur dal project per in segund parc naziunal.

Il cussegl communal da Mesocco è cun gronda maioritad per il Parc Adula. A la seduta dal mardi saira eran preschents 18 commembers dal cussegl, da quests han 15 decidì da proponer al suveran da dar glisch verda per il segund parc naziunal svizzer.

I saja da patratgar vid las generaziuns vegnintas, uschia è vegnì argumentà. Il project portia novas perspectivas per il turissem, l’artisandi e l'economia. La votaziun davart il parc Adula è ils 27 da november. 17 vischnancas han da decider davart il project.

RR novitads 10:00

Artitgels legids il pli savens