L'Uffizi per la segirtad alimentara e sanadad d'animals e la Polizia chantunala han chattà la gievgia suentermezdi en la chasa da la possessura animals exotics da chasa e selvadis ch'eran fermamain flaivlentads. Ils animals eran negligids ed avevan survegnì memia pauc nutriment, aua e tgira. Trais reptils eran gia morts ed i n'è betg exclus, ch'ils veterinaris ston anc durmentar ulteriurs animals.
Tranter ils animals confiscads èn diversas sorts da serps, leguans verds, luschards dal barbis, ghecos, filiens, giats, in papagai, in cunigl sco er tartarugas. 24 tartarugas fan actualmain il sien d'enviern e vegnan survegliadas da las autoritads.
Il mardi era la polizia stada al lieu pervi d'in scleriment d'ina morsa da chaun. Pervi da la situaziun fitg dramatica en la chasa da la possessura, han las autoritads decidì da prender la mesira, la pli rigurusa e confiscar ils animals.
RR novitads 15:00