Siglir tar il cuntegn

Header

cuntegn

Valladas talianas Midadas en il Centro Sanitario Bregaglia

Sco successiun dal schefmedi ha la cumissiun d'administraziun engaschà fin oz trais medis cun pensum parzial. Cun ulteriurs dus medis èn ins en discussiun.

Dapi mais è la cumissiun d'administraziun dal Centro Sanitario Bregaglia vi dad organisar la successiun dal schefmedi Hans Bänninger ch'è atgnamain pensiunà dapi passa in onn. Fin la fin da quest onn ha el prolungà ses engaschament.

Uss ha la cumissiun d'administraziun pudì engaschar trais novs medis:

  • Prof. dr. med. Reto Krapf, medi spezialist medischina interna e malsognas dals gnirunchels, lavura en in pensum da 20% al CSB, surtut en funcziun da coaching e cussegliaziun
  • Med. pract. Vedat Eronat, medi spezialist medischina generala, lavura dapi l'avrigl 2019 cun in pensum da 60% al CSB
  • Dr. med. Marianne Jenal, media per medischina generala, lavura dapi l'avrigl 2018 cun in pensum da 25% e davent dal zercladur 2019 cun in pensum da 60% al CSB

Cun dus ulteriurs medis saja la cumissiun d'administraziun en discussiun. Finamira saja d'avair in team da medis cun in pensum total dad almain 250%.

Dapi ils emprim da schaner ha il CSB era in nov directur, Robert Bartczak ch'è il medem mument manader da la tgira.

Gronda pratica cuminaivla

La planisaziun prevesa da metter en pes ina pratica cuminaivla en il Centro Sanitario Bregaglia, hai num en ina communicaziun. L'onn proxim duai quella vegnir drizzada en cun pliras stanzas da consultaziun, labor, radiografia, ultrasun ed ina apoteca. Ina tala saja pli attractiva per ils medis e porschia dapli prestaziuns e megliers temps d'avertura per ils pazients, scriva il CSB vinavant.

Ils 9 da matg vegn la populaziun infurmada en chaussa.

RR novitads 17:00

Artitgels legids il pli savens