Siglir tar il cuntegn

Header

cuntegn

Valladas talianas Nov directur e manader da tgira per Centro Sanitario

Cun Robert Bartczak che surpiglia omaduas posiziuns vul il Centro Sanitario Bregaglia simplifitgar il management.

Il Centro Sanitario Bregaglia surdat omaduas funcziuns – quella da directur e da manader da tgira – ad ina persuna. Entras quai duai il management dal center vegnir pli simpel, scriva il cussegl d'administraziun en la communicaziun. Questa decisiun è crudada suenter las examinaziuns da las duas posiziuns sco era dals process da lavur.

Tschernì ha il cussegl Robert Bartczak. El è tgirunz ed ha bunamain 30 onns experientscha. Plinavant è el sa scolà per manar interpresas en il sectur da sanadad. Bartczak cumenza il prim da schaner.

RR novitads 08:00

Artitgels legids il pli savens