Nov president per la Pro Grigioni Italiano

La radunanza da delegads da la Pro Grigioni Italiano ha elegì la sonda a Berna Franco Milani sco nov president.

Franco Milani – il nov president da la PGI. Bild in Lightbox öffnen.

Legenda da maletgs: Franco Milani – il nov president da la PGI. MAD

La radunanza annuala da delegads da la Pro Grigioni Italiano (PGI) ha elegì Franco Milani sco nov president da l'organisaziun linguistica. El segua a Paola Gianoli che ha presidià la PGI ils ultims quatter onns. Ils ulteriurs suprastants Claudio Losa, Alberto Maraffio, Stefano Peduzzi e Giancarlo Sala restan en uffizi.

Franco Milani è oriund dal Puschlav ed ha studegià fisica a la Scola politecnica federala ETH a Turitg. Actualmain lavura Milani tar l'Energia San Murezzan, sco manader d'acquisiziun, vendita e marketing. El è gia stà president da la secziun da la PGI dal Puschlav ed è confundatur da la secziun Engiadin'Ota.

Sco il secretari da la PGI Giuseppe Falbo ha ditg sin dumonda dal Bündner Tagblatt sajan era temas politics stads en il center da la radunanza. Tranter auter l'iniziativa No-Billag sco era l'iniziativa chantunala da linguas estras.

RR novitads 07:00