Oz avantmezdi ha in auto cun ina rulotta che charrava sin l'A13 datiers da Pian San Giacomo brischà. Il manischunz e la dunna ch'era cun el en l'auto han pudì bandunar l'auto ad uras ed ir en segirezza.
Ils pumpiers da Mesocco e San Bernardino han gì stizzà il fieu suenter ina buna mes'ura. En consequenza dal fieu è l'autostrada stada serrada per bunamain trais uras per il traffic pesant, scriva la polizia. Il traffic da persunas è vegnì svià sur la via chantunala.
RR novitads 16:00