Malgrà che l’occupaziun da l’ospital e la chasa da tgira Bregaglia è stada pli auta sco ils ultims onns, serra il quint annual 2014 cun in minus da stgars 6000 francs. Avant in onn era resultà anc in gudogn da 325'000 francs.
Empè da dus plazzas datti 5 plazzas da parcar
Plinavant han ils 45 votants decis dad abolir la decisiun da la radunanza in mars avant dus onns. La radunanza communala aveva approvà in project per ina garascha sper il ospital. Uss è avant man in nov project cun 5 plazzas. La dumonda da credit da 425'000 francs ha la radunanza er approvà cun 34 cunter ina vusch.