Siglir tar il cuntegn

Header

radunanza communala
Legenda: 81 votantas e votants eran preschents a la radunanza communala RTR, V.Rominger
cuntegn

Valladas talianas Populaziun n'elegia betg pli cussegl da scola

La radunanza communala da la Bregaglia ha acceptà la revisiun parziala da la constituziun. Part da questa decisiun fa ch'il cussegl da scola na vegn betg pli elegì da la populaziun. mabain che la suprastanza communala elegia ina cumissiun da scola.

Cun 47 encunter 32 vuschs è la populaziun suandada a la proposta da la suprastanza communala. Finamira da questa era da separar las incumbensas strategicas ed operativas. Cun il sistem actual haja dà pliras giadas malchapientschas tar las cumpetenzas. Il cussegl communal vul surtut la cumpetenza da pudair reagir sin decisiuns da l’organ operativ. Quai n'era enfin ussa betg pussaivel - gist quai che pertutga las finanzas, in punct impurtant tenor la presidenta communala Anna Giacometti.

En futur na vegn damai betg pli elegì in cussegl da scola a l’urna, mabain ina cumissiun elegida da la suprastanza communala. Per il cussegl da scola actual la fallida via. Ins renunzia cun quai sin la democrazia directa.

Artitgels legids il pli savens

Scrollar a sanestra Scrollar a dretga