Poschiavo survegn ina staziun moderna

Fin la fin dal 2018 datti a Poschiavo indrizs adattads era per ils clients cun impediments, ed in nov center per ils servetschs da la Viafier retica. Venderdi il prim da fanadur ha gì lieu il act festiv per cumenzar cun la renovaziun da la staziun da Poschiavo.

Lavurers da la Viafier retica Bild in Lightbox öffnen.

Legenda da maletgs: Il sindaco da Poschiavo, Alessandro Della Vedova tar l’emprima «badigliada» a la staziun da Poschiavo. RTR, A. Caprez

Il project cuntegna era la realisaziun d’in vial dubel tranter Poschiavo e la Val Varuna, sco la Viafier retica ha communitgà. Plinavant duai dar in indriz da binaris morts cun ina cruschada. En tut quinta la Viafier retica d’investir per quest project a Poschiavo 35,6 milliuns francs.

Motivaziun per tuts

Per la Valposchiavo signifitga l'investiziun da la Viafier retica ina signal positiv en in temp difficil, ha declerà il president communal da Poschiavo, Alessandro Della Vedova. Il project dettia nova spranza e procura er per lavur en val.

Resguardà firmas indigenas

Las lavurs per l'emprima etappa che cumenza ils 18 da fanadur 2016, sajan gia surdadas. Tranter auter era a duas firmas indigenas, ha confermà il vicedirectur da la Viafier Retica, Christian Florin.

RR novitads 14:00