Siglir tar il cuntegn

Header

Navigaziun

paletta da products.
Legenda: La paletta da products da «Soglio-Produkte» va da savun per far la duscha, sur crema per ils pes fin tar parfum. MAD, Agid Svizzer per la Muntogna
cuntegn

Prix Montagne Premi dal public per schampo bregagliot

L'interpresa en la Bregaglia «Soglio-Produkte» vegn undrada cun il premi dal public dal Prix Montagne. Quest premi è dotà cun 20'000 francs.

La firma «Soglio-Produkte» cun sedia a Castasegna producescha savuns, schampos ed auters products igienics. Quella valia sco piuniera per products da cosmetica natirals e porscha lavur a 20 persunas.

La firma bregagliotta ha fatg la cursa tar la votaziun online. A quella votaziun èn 5'500 persunas sa participadas. Il premi dal public dal Prix Montagne è vegnì surdà per la terza giada.

Prix Montagne

Cun il Prix Montagne undreschan la Gruppa svizra per las regiuns da muntogna e l'Agid svizzer per la muntogna projects che contribueschan a la creaziun da valur, a plazzas da lavur ed a la varietad economica en regiuns muntagnardas.

Il premi principal dal Prix Montagna ha ina fatschenta da hightec en il chantun Giura retschavì. Lez premi è dotà cun 40'000 francs e vegn surdà mintg'onn dapi il 2011.

RR novitads 12:00