Glindesdi suentermezdi ha in um constatà in pitschen incendi da cultira. Cura ch'ils pumpiers eran arrivads era il fieu sa derasà sin ina surfatscha da radund 20 meters quadrat. Ils pumpiers hajan svelt pudì stizzar il fieu en il pastg sitg. Suenter emprimas examinaziuns da la polizia hai dà il fieu pervi da products da fimar bittads davent.
Dus culps da chametg
La medema saira hai da in urizi en la Val Mesauc. Entaifer paucas minutas è il chametg crudà duas giadas mintgamai en in'autra chasa da vacanzas a Pian San Giacomo. Las persunas en las chasas èn restadas senza blessuras. En omaduas chasas hai dà donns vid ils tetgs en endadens las chasas. Ils pumpiers han controllà las chasas sin fughims ed han lura puspè pudì dar liber las chasas.
RR novitads 15:00