Ils products che creschan en Italia, per gronda part fritgs e verdura, vegnan però vendids sco products svizzers. Quai è lubi. Era sch’il mail o il pair crescha sin territori talian sto el vegnir producì tenor il standard svizzer. Per exempel pon ins be squittar ils pesticids ch’èn era permiss qua en Svizra.
Mo ils purs che vivan al cunfin
Impurtant è però da savair, che quai na po betg far mintga pur. Quai pon mo far ils purs che vivan al cunfin, e quai è mo lubì sin in territori definì. Uschè ch’ils purs dal Puschlav han il dretg da vender il mail u il pair che crescha sin prada taliana sco product svizzer uscheditg ch’els sa tegnan vi da las prescripziuns.