En in grond manaschi en il Puschlav han stuì vegnir mazzadas e dismessas 145 chauras. Quai pervi da la malsogna paratuberculosa. Quai ha communitgà l’Uffizi per la segirezza da victualias e per la sanadad d’animals.
Dapi il mars da l’onn passà saja l’epidemia adina puspè vegnida diagnostitgada tar singuls animals dal manaschi. Sco ultima mesira ha l'uffizi decidì da mazzar tut las chauras. Tut en tut sajan crappadas en quest manaschi 210 chauras.
Ulteriuras infecziun betg probablas
Paratuberculosa è ina malsogna bacteriala che fa smagrir ils animals. Ella è incurabla, dentant na sa derasa ella betg ferm. Perquai saja in’ulteriura infecziun en la val betg probabla.
audio
Saira: Puschlav – Paratuberculosa tar chauras
ord Actualitad dals 06.11.2019.
laschar ir. Durada: 3 minutas 17 Secundas.
RR novitads 09:00