Al cunfin La Motta, sin il territori da la vischnanca da Poschiavo, han duaniers traplà in um ed ina dunna ch'avevan 25 stangas da cigarettas, pia 5'000 cigarettas en la chascha da la roda da reserva. Lubidas fissan 250 cigarettas per persuna e di, quai ha communitgà l'Administraziun federala da duana.
Stuì pajar multa e taxas da bunamain 2'300 francs
La saira dal 3 da settember ha in duanier fermà i auto ch'era immatriculà a Son Gagl. Tar la controlla han ins lura chattà las 25 stangas da cigarettas zuppadas. Il manischunz e sia cunautista da la Rumenia, ch'èn stads a Livigno - il territori liber da dazi - han stuì pajar ina multa da 1'100 francs e taxas da radund 1'153 francs. Plinavant han els stuì laschar là las 5'000 cigarettas.