Siglir tar il cuntegn

Header

video
Ils plans per reconstruir Bondo èn sin maisa
Or da Telesguard dals 06.12.2019.
laschar ir. Durada: 2 minutas 36 Secundas.
cuntegn

Reconstrucziun a Bondo Return en la normalitad cun il project «strata»

A Bondo èn vegnids preschentads plans co che la vischnanca e ses conturn duai guardar or en l’avegnir. Principalmain vai per punts, vias ed attatgs.

Dals diesch projects inoltrads ha il project «strata», sut la batgetta dal biro Conzett Bronzini Partner AG, gudagnà la concurrenza. Tenor Mario Cavigelli ha persvadì la giuria oravant tut la contemplaziun cumplessiva.

La sfida è stada da far la correcta analisa dal letg dal flum e l’autezza da las punts uschia che quellas na vegnan betg donnegiadas en cas d’ulteriuras bovas.

Trais novas punts

Il project «strata» prevesa trais novas punts. Sur ina da quellas, duai en avegnir ir la via chantunala, ina segunda punt è planisada suravi la Maira, quella duai colliar la vischnanca cun la via veglia da la Bregaglia e la terza datti sisum la vischnanca sur il flum da la Bondasca. Tras quella èn colliadas las dus parts da la vischnanca - il project preferì da la presidenta communala, Anna Giacometti.

La nova punt ch'è planisada tranter Bondo e Promontogno è tenor mai la pli bella punt dal mund
Autur: Anna Giacometti presidenta communala Bregaglia

In auter punct impurtant tar il project è l’access per ils camiuns al batschigl per svidar il material da la Bondasca.

25 milliuns francs

Il project «strata» duai vegnir realisà a partir da l’onn 2021. Ils custs da total 25 milliuns francs surprenda per la gronda part il chantun e la Confederaziun.

audio
Saira: Bova Bondo: project victur per reconstruir il destruì
ord Actualitad dals 06.12.2019.
laschar ir. Durada: 3 minutas 14 Secundas.

RTR actualitad 17:30

Artitgels legids il pli savens