Ils 6 organisaturs han vulì organisar en occasiun da la «Stramangiada» in’attracziun speziala en vischnanca ed han perquai cumenzà a tschertgar glieud che sa participescha a la prova da rumper il record mundial american.
Durant la «Stramangiada» chaminan mintg’onn passa 2’000 persunas in percurs per gronda part enturn il lai da Poschiavo nua ch’els han adina puspè la pussaivladad da consumar tratgs tipics da la Valposchiavo.
Tschertgà participants
Actualmain mancan anc var 200 participants per l’acziun dal record mundial a Poschiavo. Orlando Lardi, in dils organisaturs è dentant da buna speranza ch’il record gartegia tuttina cun quai che tut ils letgs en ils hotels en Val Puschlav sajan grazia a la «Stramangiada» occupads questa fin d’emna.
Gudogn per sustegnair in project in Africa Ina participaziun custa 20 francs. Mintgin possia dentant pigliar cun sai a la fin la buttiglia, che vegn sin giavisch er puspè serrada cun in cucun.
Plinavant datti in tiracucuns da la «Scucunada» ed in T-Shirt sco regurdanza.La «Scucunada» che vegn survegliada e verifitgada d’in notar da l’organisaziun englaisa World Guiness Records cumenza in sonda, 04 da fanadur 2015 a las 15 h sin la plazza da sport a Poschiavo.