Repower curregia las aspectativas

Pervi dals pretschs d'energia bass ed il ferm franc svizzer curregia Repower las aspectativas dal resultat operativ. En tut quinta il concern d’energia grischun cun 50% damain retgav tar il resultat operativ quai en cumparegliaziun cun las cifras d’avant in onn.

logo dal concern Repower Bild in Lightbox öffnen.

Legenda da maletgs: Il concern d'energia grischun senta il ferm franc. RTR

Era quinta la Repower cun sperditas pli autas che anc il 2014. Lura muntavan ellas a 33 milliuns francs. Per l'emprima mesadad da l'onn quinta l'interpresa d'energia cun ina perdita netta da 110 milliuns francs. Sco l’interpresa scriva vul ella cuntinuar cun in program d’effizienza ed optimar las structuras.

Situaziun difficila sin la fiera d’energia

Ils temps èn maghers per ils concerns d'energia. Quai mussa è la communicaziun da la Repower. Las aspectativas per l’onn 2015 èn vegnidas curregidas engiu. En tut quinta il concern grischun quest onn cun in resultat operativ ch’è 50% pli bass che quel d’avant in onn. Ils dus motivs principals per las difficultads sajan l’euro flaivel ed ils precis bass d’electricitad sin il martgà liberalisà, di Urs Meister ch'è spezialist d'energia tar Avenir Suisse.

Ils concerns d’energia n’hajan betg gronda influenza sin quels dus facturs. Reagir possian ils concerns sulettamain cun vegnir pli effizients sin la vart dals custs. Uschiglio hai num spetgar sin che l’economia en l’Europa vegni puspè pli ferma. Lura dovrian ils concerns numnadamain er dapli energia.

RR novitads 07:30