La raschun saja la dispita permanenta cun ses collegas en il cussegl da vischnanca, citescha Radiotelevisione Svizra italiana RSI il president. I dettia ina mancanza da confidenza totala e nungiustifitgada en l'autoritad communala.
Il cussegl da vischnanca sto però anc approvar sia demissiun.
A Roveredo datti gia dapi onns dispitas politicas e bleras midadas aifer uffizis politics. Il cussegl communal da Roveredo è il mument incumplet. La raschun è in recurs davart la nominaziun dal tschintgavel commember dal cussegl communal.
RR novitads 20:00