A Roveredo è in automobilist sa blessà lev oz endamaun. Cun ir a dretga è l'auto da l'um da 77 onns collidà da la vart cun in auter auto è glischnà en ina saiv cunter selvaschinas e silsuenter cupitgà sin la vart. Quai scriva la Polizia chantunala en ina communicaziun.
L'um da la Mesolcina era sin l'autostrada A13 ed ha prendi la sortida Roveredo per lura vegnir sin la via chantunala. In team da l'ambulanza del Moesano han tgirà l'um al lieu. La dunna da 46 onns ch'era en l'auter auto n'è betg vegnida blessada. Vi dals dus autos hai dà in grond donn material.