Siglir tar il cuntegn

Header

cuntegn

Roveredo Guido Schenini: Nov president ad interim

Guido Schenini surprenda las incumbensas sco president communal. Quai malgrà ch'el n'è tar las elecziuns l'october passà betg vegnì elegì en l'executiva. Daco ch'el è uss en quest post è dentant in'istorgia pli cumplitgada.

Tar las elecziuns l'october n'è Guido Schenini betg vegnì elegì en il cussegl communal. Ad el han mancà duas vuschs. Sin quai ha Schenini fatg recurs tar la dretgira administrativa. Cun dumbrar vuschs n'haja tenor el insatge betg constà.

Il mars ha il president communal elegì dà giu ses post. Quai or da motivs da sanadad.

Las lavurs dad el ha surprendì provisoricamain la vicepresidenta.

Schenini po ertar

Cun quai ch'ina persuna mancava ha Guido Schenini pudì surprender in sez en l'executiva da Roveredo. Ses recurs tar la dretgira ha dentant continuà, fin avant var duas emnas: Alura ha la dretgira decidì che Schenini tutga en l'executiva da Roveredo. El dastga cun quai restar.

Majoritad per gruppa «Roré Viva»

Cun Schenini tutgan trais dals commembers dal cussegl communal da Roveredo tar la gruppaziun «Roré Viva». Uschia han els da nov la maioritad. Cun la maioritad da quella gruppa ha il cussegl communal decidì da eleger in nov president ad interim. Quel surprenda las lavurs che la vicepresidenta ha surprendì suenter la demissiun da Alessandro Manzoni. Quella persuna è Guido Schenini.

Per ch'el po dentant a lunga vista restar en uffizi sto la populaziun anc approvar el.

RR novitads 09:00

Dapli da Grischunavrir la Landingpage

Nach links scrollen Nach rechts scrollen