Siglir tar il cuntegn
cuntegn

Valladas talianas Roveredo na vul nagins observaders da votaziun

Dumengia decidan il suveran da Roveredo, sch'el vul vender terren sin l’areal da l'anteriura autostrada. Ina firma vul bajegiar là in center da commerzi per 60 milliuns francs. Ils adversaris da quest project vulessan gugent observar la dumbraziun, la vischnanca da Roveredo na lubescha betg quai.

Nua che l'autostrada ha pli baud spartì la vischnanca, duessi dar in center da commerzi ed abitaziuns per seniors.
Legenda: Nua che l'autostrada ha pli baud spartì la vischnanca, duessi dar in center da commerzi ed abitaziuns per seniors. Keystone

Sco quai ch’il president communal da Roveredo Alessandro Manzoni ha ditg envers RTR na saja betg pussaivel da lubir observaders durant la dumbraziun: «Ils statuts communals na lubeschan betg da far excepziuns, il moviment Un Cher per Roré n’è betg preschent en il cussegl communal ed uschia n’èsi betg pussaivel da sa participar a la dumbraziun da dumengia».

Sin la pagina d’internet da Facebook èn da leger commentaris che crititgeschan la vischnanca, per part discurran ils commentatur d’in agir dictatoric da la vischnanca. Il pledader dal moviment Un Cher per Roré (en cor per Roveredo) Gionata Pieracci ha ditg envers RTR ch’els acceptian la decisiun da la vischnanca da Roveredo. Ma avessi da dar ina decisiun stretga tar la votaziun nua ch’i va per la vendita da terren, alura pretendian els en mintga cas ina verificaziun dal scrutini.

RR actualitad