Siglir tar il cuntegn

Header

La staziun da val da las pendicularas San Bernardino
Legenda: Uschè blera naiv sco il 2014 faschess bain a San Bernardino e ses territori da skis che avra puspè. RTR
cuntegn

Valladas talianas San Bernardino: Possessur avra territori da skis

Il territori da skis da San Bernardino ch’è stà serrà quatter onns, vegn puspè avert la proxima stagiun d’enviern. Il termin da l’avertura è fixà sin ils 8 da december.

La stagiun d’enviern duai durar dal cumenzament dal december fin la fin da mars. Quai scriva il possessur dals implants da sport Giacomo Ghezzi en ina communicaziun. Il territori da skis è avert mintgamai las fins d’emna, e durant las vacanzas da Nadal e quellas da tschaiver è il territori da skis era avert durant l’emna.

La carta dal di vegn a custar per creschids 30 francs. Tenor las pendicularas da San Bernardino pon els offrir in pretsch uschè bas cunquai ch’ils dus runals Tre Uomini e Muton na vegnan betg en funcziun.

RR novitads 17:00

Dapli da Grischunavrir la Landingpage

Nach links scrollen Nach rechts scrollen