Valladas talianas - San Carlo: Fieu en chasa da pliras famiglias
En ina chasa da pliras famiglias a San Carlo en la Val Puschlav è rut ora in fieu. Ils abitants han pudì sa salvar, il donn vi dal bajetg è considerabel.
Sco quai che la polizia communitgescha ha il possessur da la chasa udì vers mesanotg ramurs remartgablas. Cura ch'el ha avert l'isch da l'abitaziun, ardeva il suler. El ha pudì salvar sia dunna e ses dus uffants ed era la segunda famiglia ha pudì bandunar la chasa ad uras. La polizia examinescha il motiv dal fieu.
