Siglir tar il cuntegn

Valladas talianas Schanza betg duvrada per il svilup regiunal

Projects per il svilup regiunal pon esser ina schanza per l’agricultura e per regiuns entiras. Questa schanza na vegn anc betg tratga a niz cumplainamain en il Grischun.

Legenda: Guardar il video «100% Valposchiavo, in project per il svilup regiunal». Durada 2:45 minutas.
Dals 08.11.2016.

L’onn 2007 ha il parlament federal decis da sustegnair finanzialmain projects per il svilup regiunal (PSR). Era en il Grischun èn vegnidas sviluppadas ideas da projects. Mo paucas èn vegnidas sviluppadas vinavant e realisadas. Ina da quellas è il project «100% (bio) Valposchiavo».

Ord vista dal chantun vegn nizzegià il potenzial anc memia pauc, quai en vista che l’agricultura vegn ad esser exposta en avegnir anc pli ferm al martgà. Per il territori da muntogna munta quai ina gronda sfida.

Cun il PSR po vegnir cuntanschì in effect multiplicativ en ina regiun. Per mussar quest potenzial ha organisà l’uffizi d’agricultura ina dieta publica en il Plantahof a Landquart.

TR telesguard 17:40