Scolas dal Mesauc attiran famiglias tessinaisas

Scolas en la periferia cumbattan cun pli e pli paucs scolars. Betg uschia en il Mesauc. Là vegnan adina dapli famiglias dal Tessin per ch'ils uffants emprendian pli baud tudestg. Quai è in dals avantatgs dal Mesauc envers il Tessin.

In scolar zambregia, ses etuis cun colurs en sin il pult. Bild in Lightbox öffnen.

Legenda da maletgs: L'instrucziun da tudestg è be in dals avantatgs da las scolas en il Mesauc. Keystone

Tschintg fin sis famiglias midan ad onn dal Tessin en il Mesauc per ch'ils uffants possian ir a scola là, di Romano Losa, manader dal stgalim superiur dal Mesauc, envers il schurnal regiunal dad SRF.

Dentant betg be l'instrucziun da tudestg attiria las famiglias, er il sustegn en scola. Uffants cun difficultads ed er uffants cun autissem possian frequentar la scola regulara.

Viver en il Mesauc – i carmala dapli che be la scola

Sur tut en la part sut dal Mesauc, ch'è datiers dal Tessin, vegnan las famiglias dal Tessin. A Grono, San Vittore e Roveredo datti 30 scolars e scolaras en la scola primara, quai èn 10% da tut ils scolars. Dentant na tiran betg mo las scolas, era premias da cassas da malsauns pli bassas e taglia pli bassa èn attractivas per las famiglias.

RR actualitad 17:00