Siglir tar il cuntegn
Inhalt

Valladas talianas Siglientada da grippa sur la via da Viano

La ferma plievgia dals 16 e 17 da zercladur 2016 ha chaschunà ina bova sur Brusio. Per che las ulteriuras lavurs da segirada, da rumida e da reparaziun possian vegnir cuntinuadas, sto vegnir siglientada grippa en il lieu.

Greppa sin via.
Legenda: La crudada da crappa sin la via da Viano ils 17 da zercladur 2016. MAD

Malgrà che la rait existenta cunter crudada da crappa ha pudì retegnair ina part da la crappa, èn var 30 meters cubic material arrivads sin plirs trajects da la via da Viano. Perquai ch'i smanatschan dapi lura crudadas da crappa durant la notg, ha la via chantunala stuì vegnir serrada. Igl exista in sviament signalisà sur Selvaplana.

La reparaziun da la rait cunter crudada da crappa donnegiada sco er las lavurs da rumida e da reparaziun vi da la via da Viano vegnan a durar previsiblamain anc var 4 emnas.

Sco la regenza scriva, è la siglientada probabel gievgia, ils 7 da fanadur 2016.

RR novitads 16:00