Sitgira en la Val Puschlav

Perquai ch'i ha pluvì memia pauc èn ils abitants da la Val Puschlav dumandads da limitar il diever d'aua da baiver.

sistem da sauaziun Bild in Lightbox öffnen.

Legenda da maletgs: Ina sauada n'è actualmain anc betg pussaivla en la Val Puschlav. Keystone

La vischnanca da Poschiavo ha publitgà gia avant in’emna in scumond da duvrar aua da baiver per bagnar curtins u er per sauar la prada.

Gist uss fissi dentant impurtant ch’il terren survegniss aua per pudair lavurar. Ins na possia però per il mument far nagut auter che spargnar aua. Quai ha ditg il president communal, Alessandro Della Vedova, sin dumonda da RTR.

Project da 7 milliuns francs

La populaziun da la val ha da decider en ina votaziun il matg 2017 davart in credit da 7 milliuns francs per in’installaziun da sauaziun.

Actualmain possia ins be sperar ch’il bletsch bramà vegnia bainbaud giu da tschiel, ha declerà il podestà. Ils proxims dis è annunziada plievgia – er per la Val Puschlav.

Grond donn per in viticultur da la Val Puschlav

1:44 min, Telesguard dals 21.4.2017

RR actualitad 07:00