Soglio: Incendi da cultira prenda buna fin

Malgrà privel da fieu be mesaun ha ars a Soglio en il territori Clüa la cultira. Ils pumpiers hajan pudì evitar donns vi da persunas u edifizis, scriva la polizia chantunala en ina communicaziun a las medias.

Cultira arsa e tschèl blau. Bild in Lightbox öffnen.

Legenda da maletgs: La regiun Cüa tar Soglio – dal fieu per arder roma setga haja dà in incendi da cultira. mad, polizia chantunala

La sonda ha ars in possessur dad in'acla roma setga en la prada dal territori da Cüa a Soglio. Ina terza persuna haja observà sinaquai, ch'il vent suffla il fieu vers in guaud. La persuna ha subit alarmà la polizia chantunala e quella ha clamà ils pumpiers Bregaglia.

Alarm spert e pumpiers ch'han pudì evitar donn pli grond

Ils indesch pumpiers avevan bainspert sut controlla il fieu. Persunas ed edifizis n'èn betg vegnids pertutgads. La polizia concluda sia communicaziun cun render attent al fat, che la charta per privels dad incendis mussava be in privel mesaun en la regiun pertutgada.

Adina puspè gronds fieus en Svizra

Al cumenzament da quest onn avevan procurà plirs incendis da guaud e cultira per donns enorms e grondas acziuns da stizzar en la Val Mesocco ed en regiuns vischinas.

RTR.ch