Suprastanza en Bregaglia: 7 candidaturas per 3 sezs

Per trais sezs en l’executiva da la vischnanca fusiunada candideschan gista set persunas. Ils Bregagliots han dad occupar las trais plazzas vacantas per il rest dal temp da legislatura da dus onns.

Bondo amze crappa e baggers. Bild in Lightbox öffnen.

Legenda da maletgs: Ina sfida per blers onns: La fracziun Bondo suenter la bova dals 23 d'avust. Keystone

Ils trais sezs vacants en la suprastanza communala da la Bergiaglia han ils votants dad occupar be per dus onns cun quai ch’ils cussegliers avevan demissiunà durant il temp da legislatura.

Pli auts pensums

Dapi la bova dals 23 d’avust è la situaziun sa midada cumplettamain e la lavur che spetga tut la val ils proxims onns è gronda. Era las lezias da l’executiva èn pli grondas ed intensivas.

Sco quai che la presidenta communala, Anna Giacometti ha declerà ad RSI, èn vegnids augmentats tant ses pensum sco er quels dals auters commembers da suprastanza curt suenter la bova. La presidenta communala fetschia er quint, ch’ins ha da far quai tar ils nov elegids almain per ils proxims dus onns.

vopna bregaglia Avrir maletg en lightbox.

Legenda da maletgs: Ils 15 d'october 2017 cumpletteschan ils Bregagliots la suprastanza communala. RTR

Anna Giacometti ponderescha da cuntinuar

Anna Giacometti aveva annunzià – avant la gronda bova – da betg pli vulair candidar per in quart mandat a la testa da la vischnanca fusiunada. Ussa saja la situaziun però ina cumplettamain autra ed il «sindaco» vuless decider a temp util sch’ella na va tuttina anc ina giada en cursa.

RR novitads 06:00