Siglir tar il cuntegn
cuntegn

Valladas talianas Surdada d‘allontanament da rument en Val Puschlav betg clera

La populaziun da la Val Puschlav ha da vuschar anc ina giada davart la dumonda tgi che dismetta en avegnir il rument per las duas vischnancas da Brusio e Poschiavo.

Containers cun satgs da rument.
Legenda: Tgi che po transportar en avegnir il rument dals Puschlavins, n'è anc betg sclerì. ilgrigione.ch

Tar la surdada dal contract da prestaziun da las duas vischnancas Brusio e Poschiavo, aveva l’interpresa che n’ha betg survegnì la lavur fatg plant encunter quella decisiun. Entant èn passads trais onns e las vischnancas hajan gì da surpigliar custs supplementars da 100’000 francs, ha declerà il president communal da Poschiavo, Alessandro Della Vedova a la RSI.

Puspè tut da capo

Suenter la decisiun da la Dretgira administrativa dal chantun Grischun, ha la populaziun da la val taliana da vuschar anc ina giada a l’urna davart l’allontanament da rument. Pussaivel saja er che las duas vischnancas Brusio e Poschiavo instradassan puspè ina soluziun che n’è betg dependenta ina da l’autra.

Sco ch’il president communal da Brusio, Arturo Plozza ha declerà en il schurnal «Grigioni sera», dura la procedura almain anc in onn e mez fin dus onns, fin ch'ins haja sclerì tut las dumondas ch'èn uss puspè avertas.

RR actualitad 12:00