Enfin l’emprim da zercladur èsi pussaivel da far recurs cunter il project. Datti nagins recurs, alura po la vischnanca da Lostallo dar la lubientscha da bajegiar. Sco quai che Ronald Herculeijns, il pledader da la Swiss Alpine Fish SA ha ditg sin dumonda, quinta el da pudair entschaiver a bajegiar anc il zercladur. La finanziaziun saja garantida, en tut vegnia investida ina summa da milliuns da duas cifras.
Emprims salmuns en 2 onns
Ils emprims salmuns duain vegnir sin la fiera l’entschatta dal 2017. Cun cumpraders potenzials ins saja actualmain en bunas tractativas, ha ditg Ronald Herculeijns. La Swiss Alpine Fish SA ha era examinà da far ina tratga da salmuns ad Alvaschagn en Val d'Alvra. Pervi da meglras cundiziuns è la firma turitgaisa però sa decidida per il Mesauc.