In automobilist era sin via da Mesocco en direcziun San Bernardino. Datiers da Pian San Giacomo ha el fatg stim ch'i vegniva fim or dal motor da l'auto. Cur ch'el ha franà ha l'auto immediat tschiffà fieu. Sco quai che la polizia chantunala communitgescha n'è nagin sa blessà.
Ils pumpiers hajan bain pudì stizzar il fieu, l'auto saja dentant demolì dal tuttafatg.
En consequenza da l'incendi è il tunnel dal San Bernardino stà serrà durant ina buna mes'ura.
RR novitads 20:00