25 km davant il cunfin svizzer en Vuclina han ins testà positiv in giuven da 17 onns sin il virus da Corona. Di per di entran plirs tschient frontaliers da quella regiun èn il Puschlav fin èn Engiadin'Ota. Tuttina na less il president communal da Poschiavo far sin panica. Tenor el saja la situaziun sut controlla ed i na dovria naginas mesiras specialas.
Ils presidents communals da la Val Puschlav ed il medi districtual èn s'inscuntrads per analisar la situaziun e per discutar l’agir en in cas d'urgenza.
Il Centro Sanitario Valposchiavo saja pront ed equipà per cas che duess dar era cas da Corona en la Val Puschlav. Quai è la quintessenza dal medi cirquital Mauro Albertini.
In problem pudessi dar en la Val Puschlav sch'il virus sa derasass en la Vuclina, cunquai che la gronda part dal persunal da l’ospital, da l’asil d’attempads e da la Spitex èn da la Vuclina.
Quest persunal saja fitg bain infurmà e scolà uschia che la probabilitad saja minima che quels portian il virus en Svizra, manegia il medi districtual Mauro Albertini.
RTR actualitad 18:00