Siglir tar il cuntegn

Header

cuntegn

Valladas talianas «Uniti ce la faremo» – l’unitad fa la forza en Bregaglia

Il «Gruppo Florio-Soglio» ha envidà ad in spectacul commemorativ en connex cun la bova da Piuro – ed era quella da Bondo. Cun in teater e musica sin plazza entamez il vitg en Bregaglia han ins puspè appellà a la solidaritad da la populaziun.

Recitaziuns, chant ed in teater che la Bregagliotta Silvia Rutigliano aveva scrit aposta per l’occurrenza, han laschà reviver ils visitaders anc ina giada la situaziun, cura che la bova era vegnida giu da la muntogna.

Piuro e Bondo

Ils 16 da settember dal 1618 aveva ina bova sepulì tut la citad da Piuro sin terren talian, passa 1'000 persunas eran mortas. S-chars 400 onns suenter, l'avust da l’onn passà, ha ina bova midà la vita dals Bregagliots.

audio
Piuro e Bondo - las bovas han laschà lur fastitgs
ord Actualitad dals 02.04.2018.
laschar ir. Durada: 3 minutas 36 Secundas.

Solidaritad sur tut

Appellà han ils acturs durant la represchentaziun entamez la vischnanca da Bondo surtut a la solidaritad ed il sentiment da cuminanza. Che be cun quella ins saja bun da superar era grondas sfidas. Sco che la presidenta communala da la Bregaglia, Anna Giacometti, ha ditg, saja la solidaritad anc adina fitg gronda en la val.

Adina cun in’egliada ensi

Tut quest agid e sentiment da cuminanza ch’ils abitants da la Bregaglia han pudì retschaiver er da dador la val, gida ferm, di il sindaco. Quai er cun il savair che la proxima bova cun material giu dal Pizzo Cengalo pudess rivar mintga mument.

Ch’ins saja dentant uschè bain sco pussaivel preparà per in'ulteriura bova. Il batschigl che duai tegnair si il material è puspè svidà, ils mirs da quel èn pli auts ed il sistem d’alarm funcziuna.

RR actualitad 06:00

Artitgels legids il pli savens