Siglir tar il cuntegn

Header

In bagger sin ina via da terra.
Legenda: La via provisorica en Val Calanca - las lavurs van speditivamain, ha communitgà il chantun. MAD
cuntegn

Valladas talianas Val Calanca – gievgia saira accessibla

Las lavurs da construcziun per il sviament provisoric s'avanzan speditivamain, communitgescha il chantun. Perquai vegn ella ad esser puspè accessibla a partir da gievgia saira.

Il sviament d'in vial vegn reglà cun amplas da traffic.

Tact da transit per ir en Val Calanca

Per garantir la segirezza da las participantas e dals participants dal traffic vegn il sviament avert per il traffic da transit per var dus dis en il tact d'ina ura durant las ulteriuras lavurs da siglientada e da rumida (07.00–12.00 e 13.00–18.00). Las uras d'avertura vegnan signalisadas lunsch enturn ed en l’internet.

En ina segunda fasa seguan las lavurs da rumida e da reparaziun da la via da Calanca. La via chantunala è donnegiada fermamain tras la bova, uschia che questas lavurs duran previsiblamain anc almain dus mais.

Quai ch'è capità ...

Ina resumaziun dal uffizi da construcziun bassa dal Grischun:

  • Glindesdi, ils 7 da mars - Curt avant las 19.00 vegn giu ina bova da ca. 5000 meters cubic tranter Molina d'Dent ed Arvigo. La bova rumpa or d'ina auta paraid crap, var 250 meters sur la via da Calanca. Passa 2000 meters cubic material sutterreschan cun in'autezza da fin 4 meters la via chantunala vers Arvigo e Rossa, e quai sin in lunghezza da bunamain 200 meters. L'access da Buseno è medemamain pertutgà da la bova. Per garantir che nagin n'entria en il territori periclità vegn la via chantunala serrada lunsch enturn.
  • Mardis, ils 6 da mars - A bun'ura pon geologs da l'uffizi da construcziun bassa dal Grischun giuditgar la situaziun da privel actuala. Tenor quest giudicament n'exista pli nagin privel direct. Correspundentamain po vegnir cumenzà cun las lavurs da construcziun per in sviament provisoric e cun las lavurs da rumida. Plinavant po vegnir avert l'access da Buseno sur la via chantunala veglia.
  • Mesemna, ils 9 da mars - Las lavurs da construcziun s'avanzan bain. Per il sviament provisoric da la via da Calanca en il territori da la bova èsi – ultra da las lavurs da rumida – er necessari da siglientar crappuns pli gronds, da segirar las scarpas da la vart da la muntogna e da la val sco er da reparar la cuvrida da la via.

RR novitads 18:00

Uras d'avertura dal sviament

L’urari exact per il traffic sin il sviament provisoric vegn communitgà sur

www.strassen.gr.ch

(funtauna: uffizi da construcziun bassa dal Grischun)

KaPo/ij