Siglir tar il cuntegn

Header

Video
Ina via segira per Viano
Or da Telesguard dals 16.12.2019.
laschar ir
cuntegn

Val Poschiavo Dapli segirtad per Viano

La via tranter Brusio e Viano en il Puschlav duai vegnir pli segira. Adina puspè crodan crappa sin la serpentina. Cun differentas raits lung la via e cun far pli lad ella duai ella vegnir pli segira. Dacurt è la populaziun vegnida infurmada davart ils plans.

Stretga, malsegira e 100 onns veglia è la serpentina da Brusio a Viano en Val Poschiavo. Adina puspè crodan crappa sin la via che na correspunda betg a las prescripziuns da la Confederaziun.

Questa via è antiquada. Il grond privel è la crappa che croda adina puspè, cunzunt la primavaira.
Autur: Petro Della Càdeputà PPS, Brusio

L'uffizi chantunal ha ussa preschentà a la populaziun la varianta che vegn realisada l'atun 2020: Cun dapli raits da segirtad e cun raits spezialas che furman ina sort tetg d'ina gallaria, duai la via vegnir pli segira. La via duai era vegnir pli lada per ch'ils autos possian cruschar meglier. L'atun cumenzan las lavurs che custan 20 milliuns francs.

RTR Telesguard 17:40