En la vischnanca Bregaglia funcziuna tenor Fernando Giovanoli, il sindaco da la vischnanca, actualmain anc il model da la radunanza communala. La participaziun a las radunanzas saja però pitschna. Quai han ins pudì constatar gist durant la pandemia, nua ch’i ha dà votaziuns a l’urna. Là era la participaziun numnadamain bler pli auta.
Tenor Fernando Giovanoli stoppian els perquai sa dumandar, sche la radunanza communala saja er anc en l'avegnir il gist model per la vischnanca cun var 1'200 votantas e votants.